श्री गणेशाय नमः !!
अस्य श्रीशुक्रस्तोत्रस्य प्रजापतिऋषि: ! अनुष्टुप छन्द : ! शुक्रो देवता !
शुक्रप्रीत्यर्थे जपे विनियोग : !
नमस्ते भार्गवश्रेष्ठ दैत्यदानवपूजित !
वृष्टिरोधप्रकत्रे च वृष्टिकर्त्रे नमो नमः !! १ !!
देवयानिपितस्तुभ्यं वेदवेदांगपारंग !
परेण तपसा शुध्दः शंकरो लोकसुंदरः ! !२ !!
प्राप्तो विद्यां जीवनाख्यां तस्मै शुक्रात्मने नमः !
नमस्तस्मै भगवते भृगुपुत्राय वेधसे !! ३ !!
तारामंडलमध्यस्थ स्वभासाभासितांबर !
यस्योदये जगत्सर्वं मंगलार्ह भवेदिह !! ४ !!
अस्तं याते ह्यरिष्टं स्यात्तस्मै मंगलरुपिणे !
त्रिपुरावासिनो दैत्यान् शिवबाण प्रपीडितान् !!५ !!
विद्यया जीवयाच्छुक्रो नमस्ते भृगुनंदन !
ययातिगुरवे तुभ्यं नमस्ते कविनंदन !! ६ !!
बलिराज्यप्रदो जीवस्तस्मै जीवात्मने नमः !
भार्गवाय नमस्तुभ्यं पूर्वगीवार्णवंदित !! ७ !!
जीवपुत्राय यो विद्यां प्रादात्तस्मै नमो नमः !
नमः शुक्राय काव्याय भृगुपुत्राय धीमहि !! ८ !!
नमः कारुणरुपाय नमस्ते कारणात्मने !
स्तवराजमिमं पुण्यं भार्गवस्य महात्मनः !! ९ !!
यः पठेच्छृणुयाद्वापि लभते वांछित फलम् !
पुत्रकामो लभेत्पुत्रान् श्रीकामो लभते श्रियम् !! १० !!
राज्यकामो लभेद्राज्यं स्त्रीकामः स्त्रियमुत्तमाम् !
भृगुवारे प्रयत्नन पठितव्यं समाहितै : !! ११ !!
अन्यवारे तु होरायां पूजयेद् भृगुनन्दनम् !
रोगार्तो मुच्यते रोगाद् भयार्तो नुच्यते भयात् !! १२ !!
यद्यत्प्रार्थयते जन्तुस्तत्तत्पाप्नोति सर्वदा !
प्राप्तः काले प्रकर्तव्या भृगुपूजा प्रयत्नतः !
सर्व पापविनिर्मुक्तः प्राप्नुयाच्छिवसन्निधिम् !! १३ !!
इति श्री ब्रह्मयामले शुक्रस्तवराज : संपूर्ण : !
No comments:
Post a Comment