दिंड्या नव्हत्या, पालख्या नव्हत्या
जयघोष नव्हता नामाचा
मार्गावरच्या दगड-धोंड्याना
स्पर्शही नव्हता पावलांचा
वर्तुळातून धुळ न उधळली
रिंगणातल्या अश्वांची
चलबिचलता तशी जाहली
वारक-यांच्या श्वासांची
कमरेवरती हात ठेऊनी
'श्रीहरी' पाहतोय हे सगळं
पुढल्या वेळी मात्र देवा,
काहीतरी घडू दे रे वेगळं
'अवघी दुमदुमदे पंढरी
'अवघा होऊ दे एक रंग'
हेची दान देगा बा विठ्ठला
पांडुरंग, पांडुरंग ,पांडुरंग
🙏🌷🙏🌷🙏🌷
📝 २०/०७/२१
आषाढी एकादशी
"देवा तुझ्या द्वारी आलो"
No comments:
Post a Comment