इंद्रायणी काठी, देवाची आळंदी लागली समाधी, ज्ञानेशाची ज्ञानियाचा राजा भोगतो राणीव नाचती वैष्णव, मागेपुढे मागेपुढे दाटे ज्ञानाचा उजेड अंगणात झाड कैवल्याचे उजेडी राहिले उजेड होऊन निवृत्ती, सोपान, मुक्ताबाई
| गीत | - | ग. दि. माडगूळकर |
| संगीत | - | पु. ल. देशपांडे |
| स्वर | - | पं. भीमसेन जोशी |
| चित्रपट | - | गुळाचा गणपति |
| राग | - | भीमपलास |
अवघा रंग एक झाला ।
रंगि रंगला श्रीरंग ॥१॥
मी तूंपण गेले वायां ।
पाहतां पंढरीच्या राया ॥२॥
नाही भेदाचें तें काम ।
पळोनि गेले क्रोध काम ॥३॥
देही असोनि विदेही ।
सदा समाधिस्त पाही ॥४॥
पाहते पाहणें गेले दूरी ।
म्हणे चोखियाची महारी ॥५॥| रचना | - | संत सोयराबाई |
| संगीत | - | किशोरी आमोणकर |
| स्वर | - | किशोरी आमोणकर |
| राग | - | भैरवी |
माळ त्याची माझिया गळा विठू राहे पंढरपुरी, वैकुंठच हे भूवरी भीमेच्या काठी डुले भक्तीचा मळा साजिरे रूप सुंदर, कटी झळके पीतांबर कंठात तुळशीचे हार, कस्तुरी टिळा भजनात विठू डोलतो, कीर्तनी विठू नाचतो रंगून जाई भक्तांचा पाहुनी लळा
| गीत | - | सुधांशु |
| संगीत | - | दशरथ पुजारी |
| स्वर | - | सुमन कल्याणपूर |
| राग | - | भूपाल तोडी |
