सर्वपित्री अमावस्या

स्मरण पितरांचं.........
भाद्रपद वद्य प्रतिपदा ते सर्वपित्री अमावस्या हा कालावधी पितृपक्ष म्हणून मानला जातो. या अवधीत पितृलोकातील पितर पंधरवडय़ासाठी भूतलावर अज्ञातपणे वास करतात, अशी संकल्पना आहे.प्राचीन काळात यज्ञाद्वारे पितरांना अन्न देण्याची प्रथा होती. बदलत्या काळाबरोबर मानवी जीवनही बदलत गेलं. धावत्या जीवनशैलीत ‘यज्ञ’ संकल्पना सहज साकारणं कठीण झालं. म्हणून आजच्या काळात घरीच अन्नाचा नैवेद्य करून कावग्राम घातलेला दिसतो.ज्योतिषशास्त्रातही एखाद्याच्या जन्मपत्रिकेत ‘पितृदोष’ असल्यास निवारणार्थ शांत करावी, असा नियम आहे.पितरांविषयी श्रद्धेने केलं जातं ते श्राद्ध. या काळात पितरविषयक आपली श्रद्धा त्यांना अर्पण केली जाते. पितरकार्य करण्यास उचित मानला गेलेला हा पितृपक्ष शास्त्रसंमत असून तो वर्षातून एकदाच प्राप्त होतो.
‘अपत्यांचं पोषण-रक्षण करणारा तो पिता’ असं म्हटलं जातं. हे पितृपण पिढय़ान्पिढय़ा जपलं जातं. आपल्याला सर्वसाधारणपणे ‘खापरपणजोबांपर्यंत’चे पूर्वज माहीत असतात. त्या आधीच्या पूर्वजांनी अव्याहत कष्ट करून धर्म, संस्कार, भरण, पोषण या जबाबदाऱ्या यशस्वीपणे पार पाडून संस्कारवर्तनांची योग्य वहिवाट घालून दिलेली असते. यास्तव आपण त्यांचे ऋणी असतो. या ऋणातूनच त्यांच्याविषयी असलेला आदरभाव व भक्तीपायी आपलीही काही कर्तव्य असतात. ती पार पाडण्यासाठी हा ‘पितृपक्ष’ व ‘सर्वपित्री अमावस्या’ पाळली जाते.

श्रीमंती

सरकारच्या  बुध्दीने
मती  आमची गुंग झाली !
बत्तीस रुपयाची श्रीमंती
घरा घरात  दिसू लागली !!

संकष्टी चतुर्थी

आज १६ सप्टेंबर २०११  संकष्टी चतुर्थी  चंद्रोदय रात्री ८. ५६ मिनीटे. दर्शन घेऊयात  माहिमच्या सिध्दिविनायकाचे

गणपती गेले गावाला, चैन पडेना आम्हाला !!

काल अनंत चतुर्दशी दिवशी पहिल्यांदाच मुंबईतील गणेश विसर्जन मिरवणूक पहाण्याचा योग आला तो ही मराठी माणसाचे काही टक्का वास्तव्य राहिलेल्या गिरगावातून . आमचे स्नेही श्री. सच्चिदानंद वाकणकर यांच्यामुळे हे शक्य झाले. फडके मंदिरा शेजारी त्यांची सासुरवाडी. त्यांनी तर मुक्कामालाच बोलावले होते. मात्र ते शक्य नसल्याने निदान काही तास तरी जाऊ असे ठरवले आणि संध्याकाळी ४ च्या सुमारास पोचलो. सर्वत्र उत्साह होता. भर पावसात ही बाप्पचा जयघोष सर्वत्र दुमदुमत होता. अनेक राजे महाराजांचे या वेळी दशेन घेण्याचे भाग्य लाभले. गिरगावचा महाराजा, सुतार गल्ली , खेतवाडी गल्ली १ ते १२ , खंबाटा लेन, भुलेश्वरचा गणपती असे अनेक गणपती एकामागून एक येत होते. अनेकांनी आपल्या बाल्कनीच्या जागेत स्वता:ची व्यवस्था करुन घेतली होती आणि पहाटे लालबागचा राजा येऊन गेल्यानंतरच त्यांचा मुक्काम हलणार होता. मिरवणूकीतील सामील भक्तांना गोळ्या, पाणी, प्रसाद देण्यात अनेक जण मग्न होते. काही गणपती मुर्तींची अत्यंत देखणी सजावट केली होती, विश्वकपावर आरुढ गणपती, नागावर आरुढ गणेश, बाल गणेशाचे दर्शन घेतले जात होते. या सगळ्या सजावटीत रामदेव बाबांचे देखावे , अण्णा हजारे आणि बाजूल उध्दव आणि राज साहेब या प्रसंगाचे कटआउट्स लक्षणीय होते.

एकंदरीत ते ३-४ तास एक वेगळाच अनुभव घेतला आणि पुढील वर्षी आणखी जास्त कालावधी थांबायचा विचार करुन ' बाप्पा मोरया'च्या गजरात गिरगाव सोडले.

रूप गणेशाचे - २१ अंकाचे महात्म !!

आमचे स्नेही श्री शरद फाटक यांनी एक अतीशय चांगला इमेल पाठवला, तो जसा आहे तसा या ब्लॉगच्या वाचकांसाठी देत आहे.

-----------------------------------------------------------------------------------------------------------

आपल्या भारतीय संस्कृतीत गणपतीला अनन्य साधारण महत्त्व आहे. गणपती हे अति

प्राचीन दैवत आहे, वैदिक देव आहे, आदिदेव आहे. कोणत्याही शुभकार्यारंभी अग्रपूजेचा प्रथम मान गणपतीलाच मिळाला आहे. श्रीगणेश हा सुख देणारा, दु:ख हरण करणारा, दुष्टांना शासन करणारा आणि भक्तांना आनंद देणारा, कोट्यवधी लोकांचं श्रद्धास्थान असलेला देव आहे. दरवषीर् कोट्यवधी लोक अष्टविनायकांचं, साडेतीन पिठांचं आणि पुराणोक्त गणेशाचं मोठ्या भक्तिभावाने दर्शन घेतात. त्या

गणरायांच्या २१ नाव, रूप, त्याला आवडणारी फुलं, फळं, नैवेद्य आदींविषयी..............

*महाराष्ट्रातील प्रसिद्ध २१ गणपती*

१. मयुरेश्वर-मोरगाव, पुणे,

२. सिद्धिविनायक-सिद्धटेक, अहमदनगर,

३.बल्लाळेश्वर-पाली, रायगड,

४. वरद विनायक-महाड, रायगड,

५. चिंतामणी-थेऊर, पुणे,

६. गिरिजात्मक-लेण्यादी, पुणे,

७. विघ्नेश्वर-ओझर, पुणे

८. श्रीमहागणपती-रांजणगाव, पुणे,

९. मंगलमूतीर्-चिंचवड, पुणे,

१०. कसबा गणपती-पुणे,

११. सिद्धिविनायक-सारसबाग, पुणे,

१२. गणेश-कढाव, रायगड,

१३. टिटवाळा-महागणती-ठाणे,

१४. पुळ्याचा गणपती-रत्नागिरी,

१५. हेदवीचा दशभुज-रत्नागिरी,

१६.वक्रतुंड-आवास, रायगड,

१७. मोदकेश्वर-नाशिक,

१८. मुद्गल गणेश-परभणी.

१९.चिंतामणी-कळंब, यवतमाळ,

२०. श्रीसिद्धिविनायक-प्रभादेवी,

२१. श्रीसिद्धिविनायक-सीताबडीर्, नागपूर.

*देशातील प्रसिद्ध २१ गणपती*

ॐकार गणेश-प्रयाग, महोत्कट-काश्मीर,  विघ्नराज-आंध्र प्रदेश,  श्वेता गणेश-केरळ,

गणेशजी-बंगाल, मंगलमुर्ती-मध्य प्रदेश,ढुंढीराज-काशी, बदरी गणेश-हिमालय,

गणेशबर्फ लिंग-हिमालय, नरक विमोचन गणेश-आसाम, ब्रह्मागणेश-बिहार,

सीतामढीचा गणेश-बिहार, षड्भूज गणेश-पंजाब, बली गणपती-राजस्थान,

दुर्गकूट गणेश-गुजराथ,पंचमुखी गणेश-मध्य प्रदेश, खांडोळ्याचा गणेश-गोवरा,

गोकर्णाचा गणेश-कर्नाटक,भदाचलम गणेश- आंध्र, कावेरीकांत विनायक- मदास,

कल्पगणपती- ओरिसा.

*जगातील प्रसिद्ध २१ गणपती*

पंचगणपती, नृत्यगणपती, सोळा हातांचा गणपती आणि हेरंब गणेश-नेपाळ,

गणेश-कंबोडिया, द्वारपाल गणेश-तिबेट, महापियेन गणेश-ब्रह्मादेश,

गुढविद्या गणेश-चीन, मंगलमुर्ती-मेक्सिको, गणेश-तुर्कस्तान, गणेश- सिलोन,

गणपती-बानिर्ओ,गणेश-अफगाणिस्तान, गणपती-बाली बेट,

बोरीचा गणपती-इण्डोनेशिया, गणेश-जावा,

लेखक गणेश-सयाम,

गुरू गणेश-कंबोडिया, गणपती-रोम, इटली,

श्री गणेश-जपान,

योद्धा गणेश-इराण.

*गणपतीला आवडणाऱ्या २१ वस्तू*

१) मोदक, २) नारळ, ३) चंदकोर, ४) ओम् ५) खेटव, ६) स्वस्तिक, ७) एकदंत, ८) विडासुपारी,

९) दूर्वा, १०) नागबंद, ११) मुद्गर, १२) शूल, ३) खट्वाग, १४) परशु, १५) पाश, १६) मोर,

१७) अनंत फूल, १८) अंकुश, १९) कमळ, २०) उंदीर, २१) केवडा.

*गणपतीची २१ नावं*

१. वक्रतुंड, २. एकदंत, ३. कृष्णपिंगाक्ष. ४ गजवक्र, ५. लंबोदर,

६. विकट, ७.विघ्नराजेंद, ८. धुम्रवर्ण, ९. भालचंद, १०. विनायक,

११. गणपती, १२. गजानन, १३.ओंकार, १४. मयुरेश्वर,१५. धुम्रकेत,

१६. महोदर, १७. विघ्नराज, १८.ब्रह्माणस्पती, १९, जगदीश, २०. श्रीगणेश, २१. अदिदेव.

*पूजेसाठी २१ पानं*

दुर्वा, मधुमालती, बोर, माका, बेल, धोतरा, आघाडा, तुळस, डोलरी, कण्हेरी, शमी,

अर्जुन, रुई, विष्णुकांत, जाई, डाळींब, देवदार, केवडा, मारवा, पिंपळ, अगस्ती.

*२१ फुलं*

जास्वंदी, पांढरं कमळ, तांबडं कमळ, जाई, मधुमालती, सोनचाफा, केवडा, बकुळ, उंडी,

सुपारी, नागकेशर, मोगरा, धोतरा, कण्हेरी, प्राजक्त, चवई, नांदुरकी, गोविंद,मोहोर, शतपत्र.

*२१ पुराणं*

गणेश पुराण, मुद्गल पुराण, ब्रह्मावैवर्त पुराण, अग्नि पुराण, पद्म पुराण, पद्मपुराण उत्तर, नारद पुराण, शिव पुराण, लिंग पुराण, लिंंग पुराण उत्तरार्ध, वराहपुराण, वराह पुराण उत्तरार्ध, वामन पुराण, मत्स्य पुराण, गरुड पुराण,ब्रह्माांड पुराण, भविष्य पुराण, स्कंद पुराण ब्रह्माखंड, स्कंद पुरा अवंतीखंड, स्कंद पुराण प्रभासखंड.

*ठार मारलेले २१ राक्षस*

नारांतक, देवांतक, मधु, कैटभ, त्रिपुरासूर, सिंदुरासूर, व्यामोसूर, लोभासूर,मोहासूर, मदासूर, कमलासूर, विघ्नासूर, मत्सरासूर, देभासूर, अनसासूर, क्रोधासूर,मायासूर, कामासूर, मेषासूर, मलकासूर.

*गणपतीच्या २१ मूर्ती*

१. बाल गणपती,

२. तरुण गणपती,

३. भक्ति विघ्नेश्वर,

४ वीरू-विघ्नेश,

५. शक्तिगणेश.

६. लक्ष्मी-गणपती,

७. उच्छिष्ट गणपती,

८. महागणपती,

९. उर्ध्व गणपती,

१०.पिंगळा गणपती,

११. हेरंब गणपती,

१२. प्रसन्न गणपती,

१३. ध्वज गणपती,

१४.उन्मत-उच्छिष्ट गणपती,

१५. विघ्नराज,

१६. भुवनेश गणपती,

१७. नृत्य गणपती,

१८.हरिदा गणपती,

१९ भालचंद,

२०. शर्पकर्ण,

२१ एकदंत

मारुतीस्तोत्र

महारुद्र अवतार हा सूर्यवंशी

अनादीनाथ पूर्ण तारावयासी !

असा चैत्र पौर्णिमेचा जन्म झाला

नमस्कार माझा तया मारुतीला !

तनू शिवशक्ती असे पूर्ण ज्याचे

किती भाग्य वर्णू तया अंजनीचे !

तिच्या भक्तीलागी असा जन्म झाला

नमस्कार माझा तया मारुतीला !

गिळायासि जातां तया भास्करासी

तिथे राहु तो यउनी त्याजपाशी !
तया चंडकीर्णा मारितां तो पळाला

नमस्कार माझा तया मारुतीला !

खरा ब्रह्मचारी मनातें विचारी

म्हणोनी तया भेटला रावणारी !

दयासागरु भक्तिनें गौरविला

नमस्कार माझा तया मारुतीला !

सुमित्रासुता लागली शक्ती जेव्हां

धरी रूप अक्राळ विक्राळ तेव्हां !

गिरी आणूनी शिघ्र तो उठविला

नमस्कार माझा तया मारुतीला !

जगी भीम तो मारुती ब्रम्हचारी

समस्तांपुढे तापसी निर्विकारी !

नमूं जावयालागिं रे मोक्षपंथा

नमस्कार माझा तया हनुमंता !

गणपती बाप्पा मोरया !!!

या ब्लॉगचे सर्व वाचक, मित्रमंडळी, स्नेही सर्वांना गणेश चतुर्थीच्या हार्दीक शुभेच्छा !!!

आपल्या सर्वांचे इच्छित ध्येय प्राप्त होऊन, सर्वांचे कल्याण होवो हीच 'लालबागच्या राजा चरणी ' प्रार्थना

लालबागच्या राजाचा विजय असो !!!

चित्र - महाराष्ट्र टाईम्स संकेतस्थळ

अंतीम सामना

टिम इंडीयाने खरे म्हणजे
टिम अण्णांपासून शिकावे
प्रबळ इच्छाशक्तीने
साहेबांशी नडावे
सचिननेही सहजतेने
शंभरावे शतक करावे
पण काहीही असो सर्वांनी
पाचही दिवस खेळावे

ओवल वरील आजपासून सुरु होणार्‍या भारत इंग्लन्ड यांच्यातील अंतीम कसोटी सामन्यास भारतीय संघास शुभेच्छा

अमोल केळकर

१८ ऑगस्ट २०११

संकष्ट चतुर्थी - १७ ऑगस्ट २०११

आज संकष्ट चतुर्थी , चंद्रोदय रात्री ९.वा ४ मिनिटे.

दर्शन घेऊयात अंजर्ल्याच्या प्रसिध्द गणपतीचे

मोरया !!!

श्रीसमर्थ रामदासकृतं मारुतीस्तोत्र

श्रीगणेशाय नमः।


कोपला रुद्र जे काळी , ते काळा पाहावेचिना।

बोलणे चालणे कैचे , ब्रह्मकल्पांन्त मांडला॥१॥

ब्रह्मांडाहुनी जो मोठा , स्छुळ उंच भयानकु।

पुछ्य ते मुर्डले माथा , पावले सुन्यमंडळा॥२॥

त्याहुनी उंच वज्रांचा , स्छुळ उंच भयानकु।

त्यापुढे दुसरा कैचा , आद्भुत तुळणा नसे॥३॥

मार्तंडमंडळा ऐसे , दोनी पिंगाक्ष ताविले।

कर्करा घडिल्या दाढा , उभे रोमांच उठीले॥४॥

आद्भुत गर्जना केली , मेघचि चेवले भुमी।

फुटले गिरीचे गाभे , तुटले सींधु आटले॥५॥

आद्बुत वेश आवेशे , कोपला रण कर्कशु।

धर्म स्थापनेसाठी , दास तो उठीला बळे॥६॥

॥ श्रीसमर्थ रामदासकृतं मारुतीस्तोत्रं संपूर्णम्॥

बत्तीस शिराळा - नागपंचमी उत्सव

सांगली जिल्हाच्या पश्चिमेला असलेल्या वाळवा तालुक्यातील हे खेडे गाव नागपंचमीच्या उत्सवासाठी प्रसिध्द होते. काळाच्या ओघात काही अनिष्ट पध्द्ती बंद करत असताना बत्तीस शिराळ्यातील एक वैशिष्ठपुर्ण उत्सवाची पार रया गेली आहे.

पुणे - बेंगलोर महामार्गावर कोल्हापुर कडे जाताना, पेठ नाका ( इस्लामपुर ) पासुन उजव्या बाजुला एक फाटा फुटतो. इथुन साधारण २० कि.मी वर बत्तीस शिराळा वसलेले आहे. सांगली जिल्हातील हा एकमेव प्रदेश जो निसर्गाने समृध्द आहे. बत्तीस शिराळ्या पासुन जवळच चांदोली अभयआरण्य, चांदोली धरण आहे. अशा या निसर्गाच्या कुशीत वसलेले हे बत्तीस शिराळा गाव.

जेंव्हा पुर्वी हा उत्सव शिराळ्यात मोठ्या प्रमाणात साजरा केला जायचा तेंव्हा नागपंचमीच्या एक महिना अगोदर येथील नाग मंडळे नाग पकडायच्या मोहिमेला निघत असत. हातात लांब काठी आणि नागाला ठेवण्यासाठी मडके असा लवाजमा घेउन ५-६ तरुणांचा ग्रुप मोहिम फत्ते करत असे.. पकडलेल्या नाग, साप, धामणी यांची नागपंचमी उत्सव संपेपर्यंत योग्य प्रकारे काळजी घेतली जाई

नागपंचमी दिवशी गावातील ग्रामदेवतेची पुजा करुन साधारणपणे १००-१२५ नागांची एकाच वेळी मिरवणुक काढली जाई. त्यानंतर नागाचे खेळ आयोजीत केले जात. सर्वात उंच फणा काढणारा नाग, सर्वात लांब नाग पकडलेल्या मंडळाना बक्षिसे देत असत. नागपंचमीस नागाचे खेळ पाहण्यासाठी हजारो नागरीक येत असत. यातील आणखी एक वैशिष्ठ म्हणजे २ वर्षाच्या बालाकापासुन ते म्हातार्‍या माणसांपर्यंत सर्वजण न घाबरता गळ्यात नाग/धामण घालुन फोटो काठत असत

शिराळ्याची नागपंचमी पुर्वी देशातच नव्हे तर परदेशातही प्रसिद्ध होती. नागपंचमीसाठी पुर्वी लाखभर लोक जमायचे. परंतु, सापांचे होणारे हाल पाहून येथील निसर्ग व वन्यजीवपेमींनी थेट मुंबई हायकोर्टात धाव घेतली. कोर्टाने वन्य जीव संरक्षण कायद्यानुसार २००२ मध्ये आदेश देऊन सापांना पकडणे, त्यांचा खेळ करणे तसेच मिरवणूक काढणे, प्रदर्शन करणे, त्यांच्या स्पर्धा भरवण्याला बंदी केली. तसेच या आदेशाचे तंतोतंत पालन करण्याची जबाबदारी जिल्हा प्रशासन, जिल्हा कोर्ट, वन खाते आणि पोलिसांवर सोपविली. त्यामुळे काही वर्षांपासुन इथे आता प्रतिकात्मक मिरवणुक काढली जाते.

श्रीक्षेत्र हरिपूर - सांगली

ॐ नमः शिवाय मंत्र ऐकण्यासाठी इथे टिचकी मारावी

आज श्रावणातला पहिला सोमवार . श्रावणी सोमवार म्हणले की आवर्जून लक्षात रहाते ती हरिपूरची जत्रा. सांगली पासून हाकेच्या ( ३ - ४ किमी दूर ) अंतरावर असणारे , कृष्णा - वारणा नद्यांच्या पवित्र संगमावर वसलेले हे समृद्ध गाव ' हरिपूर ' जरी शहरापासून अगदी जवळ असलेले तरी शहरीपणाचा मागमूस ही कुठे दिसत नाही.

भारताच्या नकाशावर ' हळदी ची पेवे ' असणारे ठिकाण म्हणून ही हे प्रसिध्द आहे. याच हरिपूर मध्ये संगमेश्वराचे एक पुरातन मंदीर आहे. आणि दर श्रावणी सोमवारी इथे मोठी यात्रा भरते. सांगली शहरातील बस स्थानका पासून हरीपुरला जायला रस्ता आहे. कृष्णा नदीला समांतर असणारा हा रस्ता. निसर्गाने मुक्त उधळण केली आहे. रस्ताच्या दुतर्फा वड, पिंपळ , चिंचेची मोठी झाडी आहेत.

लहानपणी शेवटच्या श्रावणी सोमवारी शाळेला सुट्टी असायची. मित्रांचा घोळका करून रमत - गमत हरीपुरला जाण्यात जी मजा असायची ती अवर्णनीय. हरिपूर यायच्या आधी ' बागेतला गणपती ' हे ठिकाण आहे. गणपती बाप्पांचे आशीर्वाद घेऊन पुढे निघायचे हा रितीरिवाज सांगलीकर अजूनही पाळतात . संगमेश्वर मंदिरात जाऊन देवाचे दर्शन घेतले की मग जत्रेचा आनंद  लुटायचा . संगमावर जाऊन नावेत बसायचे. जत्रेतील खेळली विकत घ्यायची यात चक्र, पीटपिते , चष्मा , धनुष्यबाण , टोप्या आणि इतर गोष्टींचा अंतर्भाव असायचा. सरतेशेवटी ' भेळ ' खायची आणि परत निघायचे.

असा हा सोहळा अनुभवायचा असेल तर एखाद्या श्रावण सोमवारी सांगलीला भेट नक्की द्या

' हर हर महादेव '

पत्रिका बनवून पाहिजे असल्यास

	ज्यांना कुणाला स्वत:साठी,मुलांसाठी किंवा इतर नातेवाईक ,मित्रमंडळींसाठी  पत्रिका बनवून पाहिजे आहे त्यांनी  इथे  दिलेली माहिती भरुन द्यावी.   ही मोफत सेवा नाही याची नोंद घ्यावी. ज्यांना खरोखरच गरज आहे त्यांनी इथे दिलेली माहिती भरुन  द्यावी. प्रतेकाला स्वतंत्र इमेल पाठवला जाईल
	धन्यवाद अमोल केळकर

सर्वरोगशमनार्थ स्तोत्रम् !

भूतप्रेतपिशाच्चाद्या यस्य स्मरणमात्रतः ! दूरादेव पलायंते दत्तात्रेयं नमामि तम् ! १ !

यन्नामस्मरण दैन्यं पापं तापश्च नश्यति ! भितिग्रहार्तिदु :स्वप्नं दत्तात्रेयं नमामि तम् ! २ ! दद्रुकस्फोटककुष्ठादि महामारी विशुचिका ! नश्यंत्यंन्येsपि रोगाश्च दत्तात्रेयं नमामि तम् ! ३ !

 संगजा देशकालोत्था अपि सांक्रमिका गदा: ! शाम्यंति यत्स्मरणतो दत्तात्रेयं नमामि तम् ! ४ ! सर्पवृश्चिकदष्टानां विशार्तानां शरीरिणाम् ! यन्नाम शांतिदं शीघ्रं दत्तात्रेयं नमामि तम् ! ५ ! त्रिविधोत्पातशमनं विधिधरारिष्टनाशनम् ! यन्नाम क्रूरमिनिघ्नं दत्तात्रेयं नमामि तम् ! ६ ! वैर्यादिकृतमंत्रादिप्रयोगा यस्य किर्तनात् ! नश्यंति देवबाधाश्च दत्तात्रेयं नमामि तम् ! ७ ! यच्छिष्यस्मरणात्सद्यो गतनष्टादि लभ्यते ! य ईशः सर्वतस्त्राता दत्तात्रेयं नमामि तम् ! ८ !

जयलाभयशः कामदातुर्दत्तस्य यः स्तवं ! भोगमोक्षप्रदस्येमं पठेत् दत्तप्रियो भवेत् ! ९ !

                                                      श्री गुरुदेव दत्त : !!

वाढदिवसाला म्हणावयाची प्रार्थना

चिरंजीवी यथा त्वं भो भविष्यामि तथा मुने !

रुपवान्वित्तवांश्चैव श्रिया युक्तश्च सर्वदा ! १ !

मार्कण्डेय नमस्तेस्तु सप्तकल्पान्तजीवन !

आयुआरोग्यसिध्द्यर्थं प्रसीद भगवन्मुने ! २ !

चिरंजीवी यथा त्वं तु मुनिनां प्रवरो द्विज !

कुरुष्व मुनीशार्दुल तथा मां चिरजीविनम ! ३ !

मार्कण्डेय महाभाग सप्तकल्पान्तजीवन !

आयुआरोग्यसिध्द्यर्थं अस्माकं वरदो भव ! ४ !

जय देवि जगन्मातर्जगदानन्दकारिणि !

प्रसीद मम कल्याणि नमस्ते षष्ठीदेवते !५!

त्रैलोक्ये यानि भूतानि स्थावराणि चराणि च !

ब्रह्माविष्णुशिवै:सार्थं रक्षां कुर्वन्तु तानि मे ! ६ !

प्रार्थनेचा अर्थ : हे मुनिश्रेष्ठा , तू ज्याप्रमाणे दीर्घायुषी रुपधनबुध्दीने युक्त आहेस तसा मी सुध्दा होवो. हे आदरणीय मुनिश्वरा, दीर्घायुष्य, आरोग्य आणि यशासाठी माझ्यावर प्रसन्न हो. सात कल्पांपर्यंत जीवन असणार्‍या महाभाग्यवान मार्कंण्डेय ऋषीश्वरा, आयुष्य, आरोग्य आणि यशासाठी आम्हाला वर देणारा हो. विश्वाची माता असणार्‍या, विश्वाला आनंदित करणा-या , माझे कल्याण करणा-या हे षष्ठीदेवी तुला नमस्कार असो. तू माझ्यावर प्रसन्न हो. त्रैलोक्यात ब्रह्माविष्णूमहेशासह स्थावर सचेतन आणि जे जे सजीव प्राणी आहेत ते माझे रक्षण करोत.