December 31, 2010

नवीन वर्षाच्या सर्वांना हार्दीक शुभेच्छा

आमच्या सर्व मित्र मंडळी, नातेवाईक, हितचिंतक, जातकांना इंग्रजी नवीन वर्षाच्या हार्दीक शुभेच्छा .

आपणा सर्वास येणारे २०११ वर्ष सुखाचे, समाधानाचे , भरभराटीचे जावो. आपले सर्व संकल्प., योजना, अडकलेली कामे पुर्ण होवोत . सगळयात महत्त्वाचे म्हणजे आपणास मानसीक समाधान मिळो या साठी शुभेच्छा !!

नववर्षाचे स्वागत करताना कृपया आपण रस्तावर वाहन चालवताना काळजी घ्या

अमोल केळकर


December 20, 2010

!! घोरसंकटनिवारणपूर्वक श्रीदत्तप्रीतिकात्त्मक स्तोत्रम !!

श्रीपाद श्रीवल्लभ त्वं सदैव !
श्रीदत्ता$स्मान् पाहि देवाधिदेव !!
भावग्राह्य क्लेशहारिन्सुकीर्ते !
घोरात्कष्टादुध्द्रास्मान्न्मस्ते !! १!!
--------------------------------------------------------------
त्वं नो माता त्वं पिता$$ प्तो$ धिपस्त्वम् !
त्राता योगक्षेमकृत्सद्गुरुस्त्वम् !!
त्वं सर्वस्वं नो$प्रभो विश्वमूर्ते
घोरात्कष्टादुध्द्रास्मान्न्मस्ते !! २ !!
---------------------------------------------------------------
पापं तापं व्याधिमाधिं च दैन्यं !
भीतिं क्लेशं त्वं हरा$शुत्वदन्यम् !!
त्रातारं नो वीक्ष ईशास्तजूर्ते !
घोरात्कष्टादुध्द्रास्मान्न्मस्ते !! ३ !!
---------------------------------------------------------------
नान्यत्राता नापि दाता न भर्ता !
त्वतो देव त्वं शरण्यो$कहर्ता !!
कुर्वात्रेयानुग्रहं पूर्णराते !
घोरात्कष्टादुध्द्रास्मान्न्मस्ते !! ४ !!
---------------------------------------------------------------
धर्मे प्रीतिं सन्मतिं देवभक्तिं !
सत्सङ प्राप्तिं देहि भुक्तिं च मुक्तिम् !!
भावासक्तिं चखिलानन्दमुर्ते !
घोरात्कष्टादुध्द्रास्मान्न्मस्ते !! ५ !!
--------------------------------------------------------------
श्लोक पञ्चकमेतद्यो लोकमन्गलवर्धनम् !!
प्रपठेन्नियतो भक्त्या स श्रीदत्तप्रियो भवेत् !!६ !!
---------------------------------------------------------------
!! इति श्रीमत् परमहंस परिब्राजकाचार्य श्रीवासुदेवानन्दसरस्वतीविरचितं अधोरकष्टोध्दरण स्तोत्रं सम्पूर्णम्

December 1, 2010

सौ उज्ज्वला केळकर यांना ' पंकस' अ‍ॅकॅदमीचा विशिष्ठ अ‍ॅकदमी सन्मान

पंकस' अ‍ॅकॅदमी - पंजाब कला साहित्य अकादमी जालंदर ही संस्था गेली १३ वर्षॅ समाज, साहित्य, कला शिक्षण , पत्रकारितेशी संबंधीत अशा विभिन्न राज्यांच्या विभिन्न क्षेत्रातील व्यक्तींचा विशिष्ठ अकादमी सन्मान, विशेष अकादमी सन्मान , अकादमी सन्मान देऊन गौरव करत असते. यंदाच्या १४ व्या अ‍ॅकॅडमी अवार्ड वितरण सोहळ्यात माझी आई लेखिका सौ उज्ज्वला केळकर यांना विशिष्ठ अकादमी सन्मान देऊन गौरवण्यात आले . पंजाब, हरियाणा, हिमाचल प्रदेश, उत्तर प्रदेश इ. हिंदी भाषिक प्रदेशांबरोबरच अरुणाचल प्रदेश, मिझोराम, मणीपूर, महाराष्ट्र, आंध्रप्रदेश इ. हिंदी राज्य भाषा नसलेल्या १६ प्रांतातील विविध क्षेत्रात काम करणार्‍या व्यक्तिंची सन्मानासाठी निवड करण्यात आली होती. सोहळ्यात एक प्रकारे मिनी इंडिया अवतरला होता.

सौ. उज्ज्वला केळकर यांची आत्तापर्यंत ३७ पुस्तके प्रकाशीत झाली आहेत. त्यात बालवाड़मय , कथा कविता, संकीर्ण, अनुवादित ( लघुकथा, कथा , कादंबर्‍या ) यांचा समावेश आहे.त्यांची बालवाड़मयाची १० व अनुदादित ४ पुस्तके प्रकाशनाच्या वाटेवर आहेत.

October 15, 2010

श्री मंगलचंडिका स्तोत्र

रक्ष रक्ष जगन्माता देवि मंगल चंडिके !
हारिके विपदां हर्ष मंगल कारिके !
हर्ष मंगल दक्षेच हर्ष मंगल दायिके !
शु
भे मंगल दक्षेच शुभे मंगल चंडिके !
मंगल मंगल दक्षेच सर्व मंगल मांगल्ये !
सदा मंगलदे देवी सर्वेषां मंगलाल्ये !
पुज्ये मंगलवारे च मंगलाभिष्ट देवते !
पूज्ये मंगल भूपस्य मनुवंशस्य संततीं !
मंगलाधिष्टिता देवी मंगलांनाच मंगले !
संसार मंगलधारे मोक्ष मंगल दायिनि !
सारेच मंगलधारे पारेच सर्व कर्मणा !
प्रति मंगळवारेच पूज्य मंगल सुखप्रदे !!

!! इति श्री मंगलचंडिका स्तोत्र संपूर्णम् !!

October 8, 2010

महालक्ष्मी अष्टक




नमस्तेस्तु महामाये श्री पीठे सुर पूजिते !
शंख चक्र गदा हस्ते महालक्ष्मी नमोस्तुते !!

नमस्तेतु गरुदारुढै कोलासुर भयंकरी !
सर्वपाप हरे देवी महालक्ष्मी नमोस्तुते !!

सर्वज्ञे सर्व वरदे सर्व दुष्ट भयंकरी !
सर्वदुख हरे देवी महालक्ष्मी नमोस्तुते !!

सिद्धि बुद्धि प्रदे देवी भक्ति मुक्ति प्रदायनी !
मंत्र मुर्ते सदा देवी महालक्ष्मी नमोस्तुते !!

आध्यंतरहीते देवी आद्य शक्ति महेश्वरी !
योगजे योग सम्भुते महालक्ष्मी नमोस्तुते !!

स्थूल सुक्ष्मे महारोद्रे महाशक्ति महोदरे !
महापाप हरे देवी महालक्ष्मी नमोस्तुते !!




पद्मासन स्थिते देवी परब्रह्म स्वरूपिणी !
परमेशी जगत माता महालक्ष्मी नमोस्तुते !!

श्वेताम्भर धरे देवी नानालन्कार भुषिते !
जगत स्थिते जगंमाते महालक्ष्मी नमोस्तुते!!

महालक्ष्मी अष्टक स्तोत्रं य: पठेत भक्तिमान्नर:!
सर्वसिद्धि मवाप्नोती राज्यम् प्राप्नोति सर्वदा !!

एक कालम पठेनित्यम महापापविनाशनम !
द्विकालम य: पठेनित्यम धनधान्यम समन्वित: !!

त्रिकालम य: पठेनित्यम महाशत्रुविनाषम !
महालक्ष्मी भवेनित्यम प्रसंनाम वरदाम शुभाम !!

October 4, 2010

रांगेचा फायदा सर्वांना


आजच एक बातमी ऐकली. पश्चिम महाराष्ट्र देवस्थान कमिटीने असा निर्णय घेतला आहे की नवरात्रीत कोल्हापुरच्या अंबाबाईचे दर्शन घेण्यासाठी येणा-या सर्व भाविकांना एकाच रांगेतून दर्शन मिळेल. सर्व मंत्री, अती महत्त्वाच्या व्यक्ती यांना ही हाच नियम लागू असेल.
असा हा योग्य निर्णय घेतल्याबद्दल संबंधितांचे अभिनंदन . देवाच्या दरबारात सर्वजण सारखेच असतात. तिथे लहान - मोठा, मंत्री - सामान्य माणूस असा भेदभाव नसतो हेच खरे.
हा निर्णयाची अंबलबजावणी अगदी काटेकोरपणे व्हावी हीच इच्छा. तसेच महाराष्ट्रातील इतर देवस्थानांनी ही जसे शिर्डी, शेगाव, पंढरपुर, सिध्दीविनायक, दगडूशेठ आणि हो अगदी लालबागचा राजा येथेही हाच नियम लवकरात लवकर लागू व्हावा.

देवाचिया द्वारी उभा क्षण भरी ! तेणे मुक्ती चारी साधियेला !!

October 3, 2010

बालाशिष स्तोत्र

लहान मुलामुलींना आरोग्य व आशीर्वाद देणारे अमोघ दुर्मिळ प्रभावी असे " बालाशिष" स्तोत्राचा मराठी अनुवाद डॉ. के. रा जोशी यांच्या सौजन्याने -

तुझ्याच अंशे बाल निर्मिला अत्रिनंदना परमेशा !
सर्व संकटे दूर करोनी रक्ष रक्ष रे जगदिशा !! १!!

प्रातःकाली सायंकाली दिवसा रात्री केंव्हाही !
शिशुवरी तव कृपा असू दे चिंता त्याची तू वाही !!२!!

दुष्ट नजर त्य कधी न लागो ग्रहादि पीडा तू तोडी !
गोरजपीडा भूतप्रपीडा तोडी, फोडी तू मोडी !! ३ !!

त्रिशूलधारी हे परमेशा सर्व अरिष्टा छेदोनी !
तुझ्या रक्षणे अलंकारिले बालक तू ही पाहोनी !! ४!!

अश्विनीवेषा हे जगदिशा कुमार माझा तू रक्षी !
झोपी जावो उभा असो वा असो कुठेही तू साक्षी !! ५ !!

दीर्घायु हे बालक होवो ओजबलने युक्त असो !
मुमुक्षत्व तू मला देउनी बालकचिंता तुला असो !! ६ !!

September 10, 2010

श्री गणेश चतुर्थीच्या शुभेच्छा !!






September 6, 2010

कृष्णमुर्ती अभ्यासकांसाठी खुशखबर


कृष्णमुर्ती पध्दत शिकत असताना सुरवातीला ज्यांच्याकडे अधुनिक सॉफट्वेअर नसते त्यांना प्रश्नकुंडलीवरुन उत्तरे देणे अवघड जाते. यासाठी नुकतेच एक संकेतस्थळ पहाण्यात आले ज्यावर आपल्या प्रश्नकुंडली मांडता येते. अर्थात हे संकेतस्थळ ही सेवा पुर्णपणे मोफत देत आहे. त्यामुळेच येणारी माहिती किती बरोबर आहे हे सांगणे अवघड. जयाने त्याने पडताळून पहावी पण सुरवातीच्या अभ्यासाच्या काळात हे संकेतस्थळ नक्कीच उपयोगी ठरेल


http://www.gpshorary.com/

August 31, 2010

ज्योतिष हे शास्त्रच ! ...आणि आता मान्यताप्राप्त शास्त्र.

डॉक्टर .प्रा. संजय होनकळसे यांनी मिसळपाव डॉट कॉम या मराठी संकेतस्थळावर लिहिलेला हा लेख त्यांच्या परवानगीने इथे आहे तसा देत आहे.

ज्योतिष शास्त्र हे प्राचीन शास्त्र असून त्याची उत्पत्ती ही भारतात व ब्याबिलोन संस्कृतीत झाला आहे. ऋषी पराशर हे या शास्त्राचे जनक होत.ज्योतिष शास्त्र हे "ज्योती" म्हणजे "प्रकाश"अथवा "दिशा"(मार्ग) दाखवणारे शास्त्र होयगम्मत म्हणजे.या शास्त्रास स्वातंत्रपूर्व काळात अमाप राजाश्रय लाभला होता. तरं पाश्चिमात्य जगात ते एक थोतांड व फसवे शास्त्र म्हणून नाकारले जात होते पण १९५० नन्तर चित्र अगदी उलट झाले .पाश्चिमात्य जगात या शास्त्राचे संशोधन सुरु झाले,तरं भारतात बुद्धी वाद्यांचा ,शास्त्रज्ञांचा यांचा या शास्त्राला विरोध सुरु झालायात अंधश्रधा निर्मूलन वाल्यांची गरळ चालू झाली , पहानाf, फ्युचरोलोजी (Futurology ) ज्याला भविष्य शास्त्र म्हणतात आणि ज्यात मागील घडलेल्या घटनाक्रमावर आधारित भविष्यात शकणाऱ्या घटनांचा वेधअथवा अंदाजच घेतला जातो त्याला शास्त्र म्हणून मान्यता आहे. खरेतर ते एक अंदाज शास्त्र आहे. पण खागोलशात्रीय घटना व बाबींवर आधारित भविष्य सांगणारे ज्योतिष हे शास्त्रच नाही,व ते एक फसवे शास्त्र आहे असे म्हणणे म्हणजे केवढा विरोधाभास .असे म्हणणारे सांगतात शास्त्रज्ञांच्या मते ज्योतिष शास्त्र हे नैसर्गिक शास्त्राच्या कसोट्यांवर खरे उतरत नाही म्हणून ते फसवे शास्त्र आहे. तसेच सूर्य ,राहू,केतू हे ग्रह नाहीतच म्हणून त्यांचा ग्रह म्हणून विचारच करणे चुकीचे आहे. ज्योतिष अथवा शास्त्र हे सामाजिक घटनांवर भाष्य करत नाही किंवा सार्वत्रिक घडामोडींवर व घटनांचे भविष्य वर्तवत नाही असा आक्षेप घेतला जातो.हर्शल नेपच्यून,प्ल्युटो,हे गेले ग्रह आधुनिक काळात शोधले गेले आहेत त्यामुळे त्यांचा विचार या शास्त्रात केला जात नाही. त्यात आता हल्लीच अस्त्रोनोमिकाल सोसायटीने तेरावी रास "भुजंग धारी " शोधून काढली आहे .या सर्व बाबींमुळे ज्योतिष शास्त्र निकालातचकाढले जाते.शास्त्रज्ञांच्या मते ज्योतिष शास्त्र हे नैसर्गिक शास्त्राच्या कसोट्यांवर खरे उतरत नाही म्हणून ते फसवे शास्त्र आहे. पण हे म्हणणे चुकीचे आहे .कारण एका शास्त्राच्या कसोटीवर दुसऱ्या शास्त्राचे मोजमाप करणे किती योग्य ठरेल हा वादाचा मुद्दा होईल. नैसर्गिक शास्त्राच्या कसोटीवर मानस शास्त्र व इतर सामाजिक शास्त्रे पण फसवी ठरतील. खरेतर ती तशी ठरवली गेलीच होती. गेल्या शतकाच्या उत्तरार्द्धापर्यंत मानस शास्त्र हे शास्त्र म्हणून मान्यता पावले न्हवते.कारण मन ही सज्ञाच शास्र ,मुख्यत्वे पाश्चात्य शास्त्रज्ञ , मान्य करीत न्हवते . मन ही भौक्तिक वा दृश्य वस्तू म्हणून स्वीकारली जाऊ शकत नाही जसा मेंदू ,हृदय इ.अशी त्यांची धारणा होती ,व शास्त्र निरीक्षणात्मक व दृश्य वास्तुमानाचाच विचार करतंआणि आज फक्त विलाज नाही म्हणूनच ,कारण ते शास्त्र नाही म्हणून सिद्ध करता येत नाही आणि त्याच अतीत्वा नाकारता येत नाही अशीं सांगता येत नाही आणि सहन होत नाही अशी अवस्था झल्याने, आज त्याला शास्त्र म्हणून मान्यता मिळाली आहे. थोडक्यात शास्त्राचा आवाकाच थिटा आहे .त्याच्या थिटे पणात ज्योतिष शास्त्रच काय इतर अनेक गोष्टी अथवा विद्या जसे अष्ट सिद्धी /विद्या व योगिक शक्ती ज्याला भारतीय परंपरेत शास्राचाच दर्जा आहे बसत नाहीत.तसेच सूर्य ,राहू,केतू, यांना ग्रह मानाने ही एक सोय आहे. त्यांचा मानवी जीवनावर पडणारा प्रभाव व त्याचा अभ्यास महत्वाचा .जसं अर्थाश्स्त्रात नफा हा व्याजाचाच घटक अथवा जमीन (land) ह्या संकल्पनेत .सर्व निसर्ग संपत्ती ग्राह्य धरली जाते, त्यामुळे कुणी अर्थशास्त्र निकालात काढत नाही,,तसेच ज्योतिशास्त्र एक सोय म्हणूनच ग्रह,तारे ,छायाग्रह यांना सोयीस्कर रित्या ग्रह म्हणून संबोधले जाते. त्याला या मुद्द्यावरून नाकारणे म्हणजे अर्थश्स्त्र पण खोटे आहे ,फसवे आहे असे म्हणावे लागेल.हर्शल,नेपच्यून ,प्लुटो ग्रह आधुनिक युगात जरी शोधले गेले असले तरी ते त्याआधीही होते व त्यांचा अस्तित्वाचा उल्लेख आढळतो .महाभारतात त्यांचा उल्लेख श्यामल वरुण,आणि,प्रजापती असा उल्लेख आढळतो .त्यांची आजही नाव ग्रहांबरोबर ,विशेषता वरुणाची ,पूजा होते व ते अत्याधुनिक तंत्रज्ञान, स्फोटके ,अणु परमाणु(हर्शल),अंतर्मन(नेपच्यून) ,व सामाजिक घटना (प्रजापती) दर्शवतात. थोडक्यात ज्योतिष शास्त्राला फसवे ठरवण्याही. साठी घेतले जाणारे सारे आक्षेपच " फसवे " ठरतात.
या उलट ज्योतिष शास्त्रावरील विश्वासाची अतालता जगात कोठेही नाकारता येत नाही. . उदा. या एप्रिल महिन्यात आपल्या एका ( हाय मर जावां ) चित्रपटाच्या प्रमोशन करतेवेळी E .T .C .या चानलवर मान्य केले कि तिच्या विवाहाचे भविष्य बद्री उझ्मान या अमेरिकेत स्थायिक असलेल्या नटाने सांगितल्या प्रमाणे तंतोतंत खरे झाल्याचे सांगितले. येव्ध्येच न्हावे तरं बडे बडे लोक जे जाहीरपणे ज्योतिष व देवाला रिटायर करा असे सांगतात ते लपून छपून आपल्या समस्यांचं समाधान ज्योतिषाकडे करतात. हा इतर व्यवसायांप्रमाणे येथेही दांभिकता आहे,अर्धवट ज्ञान असलेले लोक आहेत पण त्यामुळे शास्त्र खोटे ठरत नाही .राशी भविष्य हे सर्व साधारण भविष्य असते एखादा पोपट वाला ज्योतिषी किंवा सुशिक्षित सज्जन ज्योतिषी पण चूक करू शकतो पण त्यामुळे शास्त्रच निकालात काढणे म्हणजे एखाद्या डॉक्टरच निदान चुकलं म्हणून वैद्यक शास्त्रच अवैध ठरव्ण्या सारख आहे .जेवढ एखाद्याच्या ज्ञानाचं कुंपण तेवढी त्या व्यक्तीची झेप. त्यामुळेच ज्योतिष शास्त्राचा औपचारिक अभ्यास होणे महत्वाच व अती आवश्यकच आहे. औपचारिक अभ्यास सुरु केल्यानंतर सुशिक्षित व जबाबदारज्योतिषी तयार होतील.त्यांची बार कौन्सिल वा मेडिकल कौन्सिल सारखी regulatory authority स्थापन होऊ शकेल त्यामुळे शास्त्राची औपचारिक विश्वासाहर्ता वाढेल .थोडक्यात या शास्त्राचा अभ्यास होणे महत्वाचे होय. या संदर्भात न्यूटनने एडमंड ह्यले याला दिलेले उत्तर समर्पक आहे.न्यूटनचा ज्योतिष शास्त्रावर गाढ विश्वास होता. ह्यालेने त्यांना आपला ज्योतीशास्त्रावर एवढा विश्वास कसा काय? असा प्रश्न केला तेंव्हा "मी वस्तू विषयाचा अभ्यास केला आहे तू तो केलेला नाहीस म्हणून माझा विश्वास आहे तुझा नाही." असे उत्तर दिलेया मुळेच कदाचित विद्यापीठ अनुदान आयोगाने (University Grants commission) ,जी भारतीय उच्य शिक्षणाची शिखर संस्था आहे,ज्योतिष अभ्यासक्रम विद्यापीठात शिकवण्याची शिफारस केली. या मुले सुशिक्षित ज्योतिषी तयार होतील वा या शास्त्राचा औपचारिक अभ्यास होईलआणि ढोंगीपणावर ताबा ठेवता येईल. ही शिफारस २००१ साली वा ती स्वीकारली गेली असती तरं एव्हांना दोन तुकड्या तयार झाल्या असत्या .पण ते भाग्य या शास्त्राच्या वाट्यास यावयास अजून अवकाश होता.कारण त्या शिफारशीच्या विरुद्ध आव्हाहन दिले गेले हे आव्हाहन श्री भार्गव नावाच्या व्यक्तीने आंध्रप्रदेश उच्च न्यायालयात दिले गेले परंतु ते आव्हाहन उच्च न्यायालयाने फेटाळून लावले .पण याने समाधान होईल ते बुद्धिवादी कसले?
यासाठी जनहित मंच नावाची संस्था कामाला लागली. व या मंचच्या वतीने श्री भगवान रैयानी यांनी याचिका दाखल केली .ड्रग व मेजिक कायदा (Drug and Magic Act )१९५४ या खाली त्यांनी ज्योतिष ,वास्तू शास्त्र (भारतीय वस्तू विज्ञान महती ऐकून अमेरिकन राष्ट्र अधक्ष्यांनी अहमदाबादच्या स्वामी नारायण मंदिरास याच सुमारास भेंट दिली होती हे लक्षात घेणे येथे महत्वाचे)व इतर संबधित शास्त्रांविरुद्ध कारवाई करण्याची मागणी केली. या शास्त्रा वरबंदी घालण्यात यावी अशी त्यांनी मागणी केली . पण ही ती याचीकापण एप्रिल २०१० च्या शेवटच्या आठवड्यात म्हणजे याच वर्षी रद्द केली गेली .यासंदर्भात ड्रग कंट्रोलर डॉक्टर पी. रामकृष्ण यांनी ज्योतिष शास्त्राचा बाजूने जनहितार्थ प्रतिज्ञापत्र सदर केले. या प्रतिज्ञापत्रात ते लिहतात "ज्योतीश्शात्र हे चार हजारहून अधिक जुने 'शास्त्र' असून त्यावर बंदी घालणे गैर व अनुचित आहे"
या पार्श्व भूमीवर "ज्योतिषशास्त्र हे शास्त्रच आहे"यावर केंद्र सरकारद्वारे शिक्कामोर्तबच झाला आहे .त्याचा आत्तातरी औपचारिक अभ्यास व संशोधन सुरुहोणे आवश्यक आहे मंचाद्वारे मी हे अपील करीत आहेकि भारतीय ज्योतिषशास्त्र हे सूक्ष्म व योग्य , वैशिष्ट्यपूर्ण आहे . भारतात या बाबतीतपुढाकार घेतला जाने आपल्या दृष्टीने हितावह आहे .
या बरोबरच ज्योतीश्शात्राच्या भविष्य कथनाचीपरीक्षा घेणे आवश्यक आहे असेसर्वश्री जयंत नारळीकर,,कुंटे,घाटपांडे यांनी करंट सायन्स च्या ( "Current Science ")९६ व्या व्हॉल्यूम पान ६४१-४६ मार्फत सुचवले आहे पण याच बरोबर भविष्य सांगण्याची पद्धत , नैतिकता , कायदा , मानसिकता ,सामाजिक परिस्थिती च्या पार्श्वभूमीवर यावरही विचार विनिमय होणे आवश्यक आहे.त्यादृष्टीने अभ्यासक्रम आखणे आवश्यक आहे. या पद्धतीनेच होमियोपथी या चिकित्सा पद्धतीने ने अलोपथी या पाश्चात्य चिकित्सा वा औषध पद्धतीला मोठी स्पर्धा निर्माण केली आहे.ज्योतिष शास्त्रा चा चिकित्सा(dignosis )व औषधोपचार या साठी उपयोग केला जाउ शकतो .खरे तरं" औषध ज्योतिष "(Medical Astrology ) हा एक संपूर्ण विषयच आहे. म्हणजेच ज्योतिष शास्त्राचा साधारण (General ) व विशेष ( Special )(विवाह ज्योतिष,आरोग्य ज्योतिष, औषध ज्योतिष , रत्न ज्योतिष ,व्यवसाय ज्योतिष, गुन्हे ज्योतिष इ. ) आभ्यासक्रम तयार करता येउ शकतात .
सुरवातीला सांगितल्याप्रमाणे पास्च्यात्यांनी ज्योतिष शास्त्राचा अभ्यास व संशोधन सुरु केलेले आहे.मिशेल गौकालीन या नावाच्या संशोधकाने १९५५ साली मंगळाच्या मानवी जीवनावरील प्रभावाचा अभ्यास केला .त्याने अनेक अये एठलीटचा (मैदानी खेळाडूंचा )अभ्यास केला व त्यांचा मंगल बलवान असतो असा सिद्धांत मांडला व त्याला "मंगल परिणाम"="मार्स इफेक्ट "असे नामकरण केले.त्याचा हा मार्स इफेक्ट जगप्रसिद्धह आहे . (खरेतर खेळाडू ,पोलीस, मिलिटरी ,सर्जन ,इ चा मंगल बलवान असतो हे आपल्याकडे पूर्वापार सामान्यपणे माहित आहे. पण भाव मिशेल(पाश्चिमात्य संशोधक ) खावून जातो(जातात) हेही नवीन नाही .मिशेलच्या संशोधनानंतर तेहे ज्योतिष संस्था स्थापण्याचा व नियतकालिके निघण्याचा धपाटा सुरु झाला. तशी लाटच सुरु झाली. या पैकी एकूण दहा देशातील चौपन्न संशोधकांचे संशोधन "रिसेंट अडवान्सेस इन अष्ट्रोलोजी "=Recent Advances In Astrology "या नावे उपलब्द्ध आहे .तेथे चारशेच्यावर नियत्कालिक या विषयावर निघतात .पाश्चात्य विद्यापीठे ज्योतिषशास्त्राच्या संशोधनास प्रोत्साहन व मान्यता देतात. प्रतुत लेखाकांस संशोधनासाठी अशी परवानगी कोलंबस क्रेडीट गुनंकात भरपूर सूट देउन प्रोत्साहन दिले होते व श्री जमेस रीग्ग यांनी आनंदाने मार्गदर्शनाचे आव्हाहन स्वीकारत असल्याचे पत्र पाठविले होते. आज यामुळेच ज्योतिष शास्त्रास ४८ टक्के अमेरिकन्स ,व ४० टक्के जागतिक लोकसंखेचे पाठबळ आहे.
आज गरज आहे ती शास्त्रज्ञ ,व भारतीय बुद्धिवादी यांनी सकारात्मक दृष्टीकोन बाळगण्याची कारणभारतीय ज्योतिषशास्त्र हे जास्त व्यापक ,सूक्ष्म तरं आहेच पण त्याची उभारणी व मांडणी भक्कम सामाजिक ,धार्मिक व आध्यात्मिक पायांवर रचली गेली आहे. आपल्या दृष्टीकोनात सकारात्मक बदल केला गेला नाही तरं आज फक्त भारतातच ५०,०००कोतिन्चि उलाढाल हा व्यवसाय एखादी पाश्चात्य संस्था बौद्धिक अधिकार (Intellectual Property Rights ) मिळून क्रेडीट व रोयाल्टी मिळवेलच पण हा आपलाच शोध असल्याचे सांगून ज्योतिष शास्त्राचे जनकत्व लाटेल .एवढेच न्हावे तरं भारतात संस्था उघडून आपलाच माल आपल्यालाच विकेल व श्रेय पण लाटेल.
डॉक्टर .प्रा. संजय होनकळसे .M.A.;M.Phil.;M.D.;M.Com.LL.B.D.B.M.;D.H.E.
drsanjayhonkalse@gmail.comhttp://drsanjayhonkalse.tripod.com

August 5, 2010

गौरव ज्ञानाचा


काही व्यक्ती या वयाने लहान असल्यातरी आपल्या ज्ञानाने अतुच्य शिखर गाठतात . अशी अनेक उदाहरणे आपण ऐललेली आहेत पाहिलेली आहेत. आज अशाच एका व्यक्तिमत्वाची ओळख करुन देतो. श्री. वरदविनायक खांबेटे. माझे सर ज्यांचाकडे मी कृष्णमुर्ती ज्योतिष पध्दत शिकलो. वयाने साधारण तिशीच्या आतले.

नुकताच त्यांना 'फलज्योतिष अभ्यास मंडळ पुणे यांच्यातर्फॅ 'ज्योतिर्रविद्यावाचस्पती' हा अतुच्य पुरस्कार जाहीर झाला आहे. मेडिकल अ‍ॅस्टॉलोजी संबंधीत सादर केलेल्या संशोधनास त्यांना डॉक्टरेट मिळाली आहे. आजपर्यंत हा पुरस्कार मिळालेल्यात वरद सर हे सगळ्यात कमी वयाचे आहेत.

या त्यांच्या यशाबद्दल त्यांचे हार्दिक अभिनंदन. मी माझे भाग्य समजतो की अशा ज्ञानतपस्वीकडून मला शिक्षण घेण्याची संधी मिळाली.

श्री वरद सरांना त्यांनी योजलेल्या सर्व कामात यश मिळो ही गुरुचरणी प्रार्थना. तसेच त्यांचा कवितासंग्रह ही लवकरच वाचावयास मिळावो या शुभेच्छा !!

अमोल केळकर

July 8, 2010

' ऑक्टोपसच्या अंतरंगात'

सध्या मी माझ्या ब्लॉगचे नाव 'भविष्याच्या अंतरंगात ' बदलण्याचा विचार करत आहे. ' ऑक्टोपसच्या अंतरंगात' किंवा असेच काहीसे . आपणास आणखी काही सुचत असल्यास कृपया कळवावे।


सध्या फिफा वल्डकप २०१० अंतीम टप्प्यात पोहोचला आहे। स्पेन आणि नेदरलॅन्ड यांच्यात आता अंतीम सामना रंगेल. या संपुर्ण स्पर्धेत अनेक खेळाडूंबरोबर चर्चेत आला आहे तो भविष्यवेत्ता ऑक्टोपस.पॉल असे त्याचे नाव आहे . जन्माने इंग्लन्डचा असलेला हा पॉल सध्या वास्तव्यास जर्मनीत आहे. या स्पर्धेतील भविष्यवेत्त्या ऑक्टोपसने आत्तापर्यंतची जर्मनी बाबतची भविष्ये बरोबर वर्तवली आहेत. यात पॉल ज्या टॅक मधे अस्तो तेथे त्याच्या खाद्याचे दोन बॉक्स सोडण्यात येतात . एका बॉक्सवर जर्मनीचा झेंडा तर दुसर्‍या बॉक्स वर जर्मनी विरुध्द संघाचा झेंडा लावण्यात येतो. ऑक्टपस ज्या बॉक्स मधला खाऊ खाईल तो संघ सामना जिंकेल असे अनुमान काढण्यात आले. आणि त्याचप्रमाणे घडले।




चला आता ऑक्टोपस बाजारात कुठे मिळतो ते पाहतो. माझ्या ब्लॅगचे नाव ' भविष्याच्या अंतरंगात ' बदलून ' ऑक्टोपसच्या अंतरंगात' ठेवतो. ऑक्टोपसचा एक नवा वॉलपेपर घरातील भिंतीवर लावुन ठेवावा लागेल आता. तसेच जहिरातीची ' ऑक्टोपस कन्सल्टन्सी ' या नवीन नावने ५०० पत्रक छापतो. भविष्य पाहून घेणार्‍या पहिल्या १० जणांना ऑक्टोपसची छोटी मुर्ती किंवा गळ्यातला ताईत सप्रेम भेट मिळेल. ऑफर वल्ड कप संपेपर्यंत मर्यादित.

June 24, 2010

म्हैस आणि टाईम्स

महाराष्ट्र टाईम्स मधे ( रविवार १३ जून २००९ ) रोजी माझे चुलत अजोबा श्री दामुअण्णा केळकर यांच्याबद्दलच्या आठवणी श्री। सुभाष भेंडे यांनी लिहिल्या होत्या. तो लेख इथे देत आहे. आम्ही लहान असतानाच अजोबांचे निधन झाले. त्यांच्याशी निगडीत आठवणी तशा नाहीतच. मात्र त्यांची मुर्ती अजुनही डोळ्यासमोर आहे. या लेखाच्या निमित्याने त्यांच्या संबंधीत हा लेख माझ्या ब्लॉगवर चढवून त्यांना आदरांजली !

अमोल

-----------------------------------------------------------------------------------------

केळकर सरांचं घर त्या व्यायामशाळेजवळ होतं. तास संपवून ते घरी जायचे आणि डोकीवरला रूमाल काढून कोट घरी ठेवून व्यायामशाळेजवळ घोटाळायचे. उघडेबोडके, धोतराचा काचा मारलेला. उजव्या हातात एक काठी आणि डाव्या हातात 'टाइम्स ऑफ इंडिया'! कुरणावर दोन म्हशी शांतपणे चरत असलेल्या... ... वयाची नऊ ते सोळा वर्ष सांगलीच्या 'सिटी हायस्कूल'मध्ये होतो. माणसाच्या आयुष्यातली ही महत्त्वाची वर्षं! या वयात मिळणाऱ्या संस्कारांची शिदोरी आयुष्यभर पुरते. ओल्या मातीला या काळात आकार दिला जातो. व्यक्तिमत्त्वाची जडणघडण याच कोवळ्या वयात होते. अनेक शिक्षक वेगवेगळे विषय शिकवत असतात. प्रत्येकाची शिकवण्याची पद्धत वेगळी, वेशभूषा वेगळी, बोलण्या-चालण्याची लकब वेगळी! पण या सगळ्यांत मला प्रकर्षानं आठवतात, ते दामुअण्णा केळकर सर! वेष अगदी साधा! पांढरा सुती सदरा, त्यावर निळा कोट, दुरांगी धोतर आणि डोईला गुंडाळलेला रूमाल. पायात कोल्हापुरी वहाणा।
आम्हाला भौतिकशास्त्र म्हणजे आवाजाचा प्रतिध्वनी कसा उमटतो हे शिकवताना त्यांनी प्रश्न केला, 'गोलघुमट कुणी पाहिलाय का?' मी उभा राहिलो. 'मी पाहिलाय सर।' '
शाबास! विजापूरला जाऊन पाहिलास की, चित्रात?' 'चित्रात नव्हे. मी विजापूरला गेलो होतो एकदा आईबाबांच्या बरोबर,' मी छाती फुगवून सांगितलं. सर्व मुलं थक्क! जणू विजापूर म्हणजे पॅरिस, रोम! '
तिथं भिंतीला तोंड लावून कुजबुजलास की नाही?' 'हो तर! घुमटाच्या एका बाजूला भिंतीला तोंड लावून कुजबुजलो. खूपच दूर दुसऱ्या बाजूला बहिणीनं भिंतीला कान लावला होता. तिला सगळं स्पष्ट ऐकूआलं. मग ती कुजबुजली आणि मी स्पष्ट ऐकलं.' 'शाबास! ध्वनी-प्रतिध्वनीचे हे उत्तम उदाहरण आहे,' त्यांनी विषय पुढं शिकवला।
दोन दिवसांनी आमचा इंग्रजीचा वर्ग चालू होता. शिपायानं येऊन सांगितलं, 'पलिकडच्या वर्गात केळकर सर तुला बोलवताहेत.' मी भीत भीत त्या वर्गात शिरलो. केळकर सर त्या तुकडीत ध्वनी-प्रतिध्वनीचा विषय शिकवत होते. आमच्या वर्गात गोलघुमटाविषयी जी प्रश्नोत्तरं झाली तीच पुन्हा त्या वर्गात झाली! आणि पुढल्या आठवड्यात तिसऱ्या तुकडीत तीच प्रश्नोत्तरं! गोलघुमटावरची अधिकारी व्यक्ती म्हणून माझी शाळेत ख्याती झाली. केळकर सरांना केवळ भौतिकशास्त्र येत होतं, असं नव्हे. कोणताही विषय त्यांना र्वज्य नव्हता. कधी एखाद्या विषयाचे शिक्षक गैरहजर असत. कॉलेजमधले प्राध्यापक गैरहजर असले की, मुलं बाहेर उंडारायला मोकळी! शाळेत ते नाही चालत. ऑफ पिरियडला दुसरे शिक्षक येत. मुलांना कथा सांगत, गाण्याच्या भेंड्या घेत. कधी येताना साठ-सत्तर पुस्तकंं आणत. मुलांना चाळीस-पंचेचाळीस मिनिटं ती वाचायला मिळत. मात्र केळकर सर आले की मुलांना प्रश्न करीत, 'कसला तास आहे?' 'जॉमेट्रीचा,' कुणीतरी सांगे. 'कोणते प्रमेय शिकता आहात?' 'पायथॅगोरसचं.' 'असं? मग वह्या उघडा. ते प्रमेय आपण नीट समजावून घेऊ. तर त्रिकोणाच्या तीन कोनांची बेरीज...' आणि मग घंटा होईपर्यंत पायथॅगोरसचा सिद्धांत! कधी मराठीचा तास ऑफ असायचा. केळकर सर आले की, मनात यायचं, 'हे सायन्सचे सर. एकवेळ त्यांना अल्जेब्रा-जॉमेट्री येईल. भाषा विषय कसा येणार?' पण त्यांनी मराठीच्या तासाला केशवसुतांची 'झपुर्झा' उत्तम शिकवली. 'कंटकशल्ये बेथटरी! मखमालीचा लव उठवली! काय म्हणावे या स्थितीला।. झपुर्झा, गडे झपुर्झा।' ते इतके रंगून गेले होते की, आमच्या अंगावर काटा आला. केशवसुतांच्या बाकीच्या कविता सहज म्हटल्या त्यांनी. संपूर्ण केशवसुत मुखोद्गत होता त्यांना. संस्कृतच्या पिरियडला त्यांनी कालिदासाचं 'शांकुतल' शिकवलं, इतकं तन्मय होऊन की, 'हरिणशावकानं शकुंतलेच्या पदराचं टोक तोंडात धरलं, तेव्हा शकंुतला हळुवारपणे तक्रार करू लागली. कशाला माझ्या पदराला बिलगतंय?' हे वाक्य उच्चारताना सरांनी कोटाचं टोक ओढून धरीत मागं नजर टाकली! प्रत्यक्ष शकुंतलेला तरी इतका हळुवार आविर्भाव जमला असता की, नाही कोण जाणे!
आम्हाला आठवड्यातून दोनदा शारीरिक शिक्षणाचा तास असायचा. शाळेपासून पाचसहा मिनिटांच्या अंतरावर व्यायामशाळा होती. तिथं नातू सर सिंगलबार, डबलबार, मल्लखांब, कुस्ती शिकवायचे. कवायती घ्यायचे. केळकर सरांचं घर त्या व्यायामशाळेजवळ होतं. तास संपवून ते घरी जायचे आणि डोकीवरला रूमाल काढून कोट घरी ठेवून व्यायामशाळेजवळ घोटाळायचे. उघडेबोडके, धोतराचा काचा मारलेला. उजव्या हातात एक काठी आणि डाव्या हातात 'टाइम्स ऑफ इंडिया'! कुरणावर दोन म्हशी शांतपणे चरत असलेल्या. टाइम्स वाचता वाचता केळकर सर म्हशींवर लक्ष ठेवून असायचे! त्या बिचाऱ्या त्यांच्या शिस्तीत वाढलेल्या. इकडे तिकडे न भरकटता संथपणे कोवळं गवत फस्त करायच्या. सरांचा टाइम्स वाचून झाला की, म्हशी घराकडे कूच करायच्या. सर चहा-कॉफी घेत नसत. पहाटे उठून स्वत: म्हशीच्या धारा काढत. जोर-बैठका झाल्यावर धारोष्ण दूध पीत. शरीर गोटीबंद. सिंगलबार, मल्लखांब सहज येता जाता करायचे. पावसाळ्यात कृष्णा नदीला पूर यायचा. उसळणाऱ्या पाण्यात पुलावरून उड्या मारणं, हा सांगलीकरांचा आवडता छंद. मुलांची, तरुणांची अमाप गदीर्! गदीर्च्या अग्रभागी केळकर सर धोतराला काचा मारून उघड्या अंगानं तासन्तास पोहत राहायचे. माझ्यासारखी भित्री मुलं काठावरून मजा पाहत उभी राहिली की, ते ओरडायचे, 'नुसते बघत काय राहिलात! काढा कपडे आणि मारा उड्या!' आम्हाला तेवढं धैर्य कुठं? आम्ही हळूच तिथून काढता पाय घ्यायचो!
सांगली सोडूनमी पुण्याला आलो. सात-आठ वर्षांनी अचानक केळकर सर भेटले. मुंबईला गेलो होतो. पुण्याचा रेल्वेचा पूल ओलांडताना समोरून सर येताना दिसले. हातात भली मोठी पत्र्याची ट्रंक, पण ती सहज पेलत चालले होते. 'कुठं निघालात सर?' 'सांगलीला, तुझं कसं चाललंय?'
'उत्तम. मुंबईला गेलो होतो।' '
सामान दिसत नाही।' '
कुलीकडे दिलंय' छोटी सुटकेस घेऊन येणाऱ्या हमालाकडे अंगुलीनिदेर्श करत मी म्हटलं। '
कुलीकडे का? वा छान!' हातातली अवजड ट्रंक सावरीत ते निघून गेले।
मी मुकाट्याने कुलीमागून धावू लागलो. बराचसा शरमिंदा होऊन!
बऱ्याच वर्षांनंतर सांगलीला गेलो होतो. केळकर सर आजारी असल्याचं कळलं, म्हणून मुद्दाम त्यांना भेटायला गेलो. पडल्या पडल्या ते जी. एं. च्या कथा वाचत होते. पाचदहा मिनिटं गप्पा झाल्यावर त्यांनी विचारलं, अजून हमालाकडे बॅग देतोस की स्वत: उचलतोस?'
'त्या दिवसापासून स्वत:च।'
'ठीक ठीक! स्वत:चं काम स्वत: करावं।
अरे, अब्राहम लिंकन अमेरिकेचा अध्यक्ष झाला, तरी स्वत:चे बूट स्वत: पॉलिश करायचा'
तीच त्यांची अखेरची भेट...

------------------------------------------------------------------------------------------

June 12, 2010

टॅरो कार्ड - व्हिडिओ माहिती - व्हील ऑफ फॉरचून


माझे आवडते कार्ड आज रिडिंग मधे आले आणि त्यासंबंधी तितकाच एक चांगला व्हिडिहो ही मिळाला।

June 11, 2010

WELCOME


ये मित्रा ,
स्वागत आहे तुझं !!


June 4, 2010

२७ ऑगस्ट २०१०

एका पुढे ढकललेल्या इ पत्रातून ही माहिती मिळाली आहे। २७ ऑगस्ट २०१० ला मंगळ हा पृथ्वीच्या अतीशय जवळ येणार आहे. त्यादिवशी पहाटे १२.३० वा ( म्हणजे बहुतेक २६ ऑगस्ट ला रात्री) चंद्र आणि मंगळ आकाशात खूप जवळ दिसतील. मंगळाचा आकार एवढा मोठा असेल की जणू दोन चंद्र आकाशात आहेत असा भास होईल।


खगोल शास्त्रज्ञ ( जाणकार ) यावर अधिक भाष्य करु शकतील.
पावसाळ्याच्या या दिवसात आकाश निरभ्र रहाण्याची शक्यता कमी असताना बघु या हा निसर्गाचा अनोखा अविष्कार आपल्याला पहायला मिळतो का ते?


अमोल केळकर

May 14, 2010

वा ! क्या फोटो है !!

साभारः महाराष्ट्र टाईम्स संकेतस्थळ

April 29, 2010

ज्योतिष हे शास्त्रच, बंदी अशक्य!

आजच्या महाराष्ट्र टाईम्स मधील ही बातमी ( दुवा पाहण्यासाठी इथे टिचकी मारा )
------------------------------------------------------------------------------------------------

ज्योतिष हे प्राचीन 'शास्त्र' असून त्यावर बंदी घालता येणार नाही, अशी भूमिका केंद्र सरकारने मुंबई हायकोर्टात एका प्रतिज्ञापत्राद्वारे घेतली आहे. जनहित मंचचे भगवानजी रैय्यानी यांनी जनहित याचिका केली असून त्यांनी ज्योतिषशास्त्र, वास्तुशास्त्र व काही अंधश्रद्धांविरोधात दाद मागून 'ड्रग व मॅजिक अॅक्ट, १९५४' या अंतर्गत कारवाई व्हावी, अशी मागणी केली आहे. या याचिकेवर केंदीय ड्रग कंट्रोलर डॉ. पी. रामकृष्ण यांनी प्रतिज्ञापत्र करून त्यात ज्योतिषशास्त्र हे चार हजार वषेर् जुने शास्त्र असून त्यावर बंदी घालणे गैर व अनुचित असल्याचा दावा केला आहे. सुप्रीम कोर्टानेही घटनेच्या धर्मनिरपेक्षतेच्या संकल्पनेत हतक्षेप करता येत नसल्याचे म्हटले आहे. याशिवाय 'ड्रग आणि मॅजिक रेमेडिज अॅक्ट'मध्ये ज्योतिषशास्त्र येत नाही, असे म्हटले आहे. हा कायदा दिशाभूल करणाऱ्या जाहिरातींना लागू आह, असे स्पष्ट केले आहे. 'हे स्युडो सायन्स' याबाबत रैयानी यांनी दिलेल्या लेखी उत्तरात सुप्रीम कोर्टाने त्यांच्या निकालात ज्योतिषशास्त्र हे 'स्युडो सायन्स' (फसवे शास्त्र) असल्याचे म्हटले असल्याचा दावा केला आहे. विद्यापीठ अनुदान आयोगाने देशातील काही विद्यापीठांमध्ये ज्योतिषशास्त्र अभ्यासक्रम सुरु करण्याचा विचार व्यक्त केला होता, त्याला डॉ. भार्गव यांनी आंध्र प्रदेश हायकोर्टाकडे आव्हान दिले. ती याचिका फेटाळली होती. त्याविरोधात ते सुप्रीम कोर्टात गेलेे. तेथे कोर्टाने आम्ही या क्षेत्रातील तज्ज्ञ नसल्याचे व अद्याप निर्णय झालेला नसल्याने याचिका अपरिपक्व असल्याचे नमूद करीत याचिका निकाली काढली होती.

April 24, 2010

सचिनला शुभेच्छा !!

आपल्या लाडक्या सचिनला ३७ व्या वाढदिवसाच्या हार्दीक शुभेच्छा !!

आयपीलचा अंतीम सामन्यात त्याला खेळता यावे हीच सदिच्छा !!


अमोल

March 24, 2010

श्रीराम नवमीच्या शुभेच्छा !!



”दक्षिणे लक्ष्मणो यस्य वामे च जनकात्मजा
पुरतो मारूतिर्यस्य तं वन्दे रघुनन्दनम्।

February 27, 2010

माझ्याही शुभेच्छा -

२७ फेब्रुवारी - 'मराठी भाषा दिनाच्या हार्दिक शुभेच्छा ' जेवढे शक्य असेल तेवढे आपण एकमेकांशी ( मराठी माणसाशी ) मराठीतून बोलू , मराठीतून पत्रव्यवहार करु आणि मराठी भाषा समृध्द करण्याचा प्रयत्न करु !!

आपला
अमोल केळकर
नवी मुंबई, बेलापूर

February 23, 2010

आजचे कार्ड - ७ ऑफ पेन्टॅकल

पेन्टॅकल सूट हा पृथ्वी तत्त्वाचा आहे. ७ ऑफ पेन्टॅकल हे कार्ड आपल्याला सध्याच्या परिस्थितीचा परत अंदाज घ्यावा असे सुचवते. काही वेळा एकादी गोष्ट घडवण्यासाठी आपण खूप प्रयत्न केलेले असतात . मात्र त्याचे रिझल्ट्स , फळे अजूनही मिळाली नसतात. अशावेळी जेंव्हा हे कार्ड रिडिंग मधे येते त्यावेळेला संयम राखा योग्य वेळ आल्यावर काम घडेल . ती घटना घडण्याची अजून वेळ आलेली नाही असे सुचवते .थोडक्यात 'इंतजार का फल मिठा होता है ' असेच काही से.
चित्रात दाखवलेला शेतकर्‍याने पिक येण्यासाठी आवश्यक ते सर्व काम केले आहे. आता फक्त वाट बघणे एवढेच त्याच्या हातात आहे आणि तो तेच करत आहे.
काही वेळा अशा वेळी फारच निराश वाटते. प्राप्तपरिस्थितीत सारासार विचार करुन दुसर्‍या मार्गाचा अवलंब करणे शक्य आहे का ? हे बघावे असे ही हे कार्ड सुचवते.नेहमीच्या जीवन पध्दतीत आपणाला आपल्याकडे लक्ष देण्यास वेळ नसतो. हे कार्ड रिडिंग मधे आल्यास आपण थोडा आपणासाठी वेळ काढावा. चालू रुटीनमधे काही बदल करता येईल का हे पहावे. नोकरीत बदल, नवीन व्यवसाय, बदली, नवीन गाव या सारखे चाकोरीबाहेरचे निर्णय घेता येतील का ? असा विचार करायला लावणारे हे कार्ड आहे.

February 20, 2010

आजचे कार्ड - ९ ऑफ कप

टॅऱो कार्ड मधे कप सूट हा भाव -भावना, मन , रिलेशन याचे प्रतीक आहे. अर्थातच कप सूट हा जलतत्वाचा सूट मानला जातो. अ‍ॅस्ट्रोलोजिकली मीन राशीतील गुरुचा या कार्डावर अधिक प्रभाव आहे.
या कार्डाला विश कार्ड ( इच्छा पुर्ण करणारे कार्ड ) असे म्हणतात. टॅरो कार्ड डेकमधील हे सुध्दा एक चांगले कार्ड आहे. जातकाच्या इच्छापुर्तीचे कार्ड आहे असे म्हणल्यास वावगे ठरु नये. साधारणपणे विवाह, संतती आणि रिलेशन, भावनिकतेसंबंधीचा प्रश्न असता हे कार्ड रिडिंग मधे येते आणि अशावेळी जातकाच्या प्रश्नाच्या दृष्टीने होकारार्थी उत्तर येते. समाधानी, तृप्त, आनंदी व्यक्तीमत्वाचा माणूस या कार्डावर दाखवून एक प्रकारे मिळणार्‍या उत्तराचा परिणामच दर्शवला आहे.

February 19, 2010

आजचे कार्ड - व्हील ऑफ फॉरच्यून

टॅरो कार्ड मधील २२ मेजर कार्ड पैकी हे एक महत्त्वाचे कार्ड . हे गुरुचे कार्ड आहे. आपल्याकडे असे म्हणले जाते की सुखी सोनाराकडे आणि दु:खी जोतिषाकडे.
जातक जेंव्हा असंख्य प्रश्नांनी त्रासलेला असतो तेंव्हाच तो जोतिषाकडे जातो. यात सर्व प्रकारचे जोतिष मग ते हात पाहून जोतिष सांगणारे असोत, चेहरा पाहून जोतिष सांगणारे असोत, पोपटा मार्फत जोतिष सांगणारे असोत, किंवा सध्याच्या काळात ए.सी मॉलमधे बसून पॅसेज मधे एक छोटासा स्टॉल टाकून टॅरो कार्ड काढणार्‍या सुंदर ललना असोत. थोडक्यात काय समस्येने ग्रासलेल्यालाच जोतिष आणि देव आठवतो.
तर अशा वेळी जातकाच्या प्रश्नासंबंधीत उत्तर देताना व्हील ऑफ फॉरच्यून हे कार्ड रिडिंग मधे आल्यास बदल तोही चांगला बदल घडणार आहे असे समजावे . परिस्थितीत नक्कीच सुधारणा होते. जातकाला सध्या भेसावणार्‍या समस्या पुढील काळात कमी होणे/ सुट्णे यासाठी संबंधीत बदलाची सुरवात होणे असे ही हे कार्ड सुचवते. नवीन संधी , नोकरीतील बदल आणि अपेक्षीत चांगल्या गोष्टी घडवून आणण्यास हे कार्ड समर्थ आहे असे समजण्यास हरकत नाही. ( आमच्या पंतांच्या भाषेत सांगायचे झाल्यास अष्टमाची महादशा संपून जातकाला दशमाची दशा सुरु होण्याची शक्यता / बदल हे कार्ड दर्शवते. )
त्यामुळे की काय टॅरो डेक मधील हे एक महत्त्वाचे आणि रिडिंग मधे हवेहवेसे वाटणारे हे कार्ड आहे.

February 17, 2010

आजचे कार्ड - ३ ऑफ स्वॉर्ड

आज सकाळी उठल्यापासून निराश वाटत होते. आवरायला अशीर झाला. नेहमीची ऑफीसला यायची बस चुकली. दुसर्‍या बसमधे जास्तच गर्दी होती. ऑफीसला पोचायला उशीर झाला. इमेल बॉक्स मधे नको असलेल्या कस्टमरचे नको असणारे इमेल्स . साहेबाच्या फालतू मिटिंग्स . भरपुर मनस्ताप. अपेक्षाभंग

वरील सर्व वर्णने ही ३ ऑफ स्वॉर्ड या कार्डासाठी लागू होतात. टॅरो कार्ड मधील हे एक मायनर कार्ड. प्रश्नकर्त्याने रिडिंग घेताना हे कार्ड काढले असता इच्छित प्रश्नाचे नकारअर्थीच उत्तर द्यावे. प्रेमभंग, जवळच्या व्यक्तीकडून दुखावले जाणे, या सर्व बाबतीत हे कार्ड हमखास रिडिंग मधे येते.


थोडक्यात काय सकाळी घरातून निघताना आजचा दिवस कसा जाईल असा प्रश्न विचारुन जर टॅरो कार्ड मधील ३ ऑफ स्वॉर्ड हे कार्ड निघाले तर समजावे की आज काही खरं नाही. आजचा दिवस मनस्ताप देणारा असणार आहे. प्रत्तेक गोष्ट जपून करायला हवी.

February 16, 2010

आजचे कार्ड - किंग ऑफ स्वॉर्ड

आजपासून या ब्लॉगवर ( अनुदिनीवर ) परत एकदा नियमीत लिहायचे आहे. सुरवातील टॅरो कार्ड बद्दल माहिती देत असताना नंतरच्या काळात अवांतर विषयावरच जास्त लिहिले गेले. आता परत याविषयाकडे लक्ष द्यायचे ठरवले आहे. टॅरो कार्ड मधील ७८ कार्डपैकी एक एक कार्डाची माहिती आपण करुन घेऊ. टॅरो कार्ड बद्दलचे पुर्वीचे लेख पाहण्यासाठी काही लिंक इथे देत आहे.

टेरो कार्डस म्हणजे काय ?

मेजर कार्डेस


मायनर कार्ड्स माहिती १

मायनर कार्डस माहिती २

मायनर कार्डस माहिती ३

मायनर कार्डस माहिती ४

---------------------------------------------------------------------------


आजचे कार्ड आहे. -किंग ऑफ स्वॉर्ड

वायू तत्वाचे हे कार्ड आहे ज्याला टॅरो कार्डच्या भाषेत कोर्ट कार्ड असे म्हणतात. आपल्या बारा राशींपैकी कुंभ राशी ( कुंभ राशीचे व्यक्तीमत्व ) या कार्डाद्वारे व्यक्त केली जाते.
लॉजीकली थिंकिंग, अ‍ॅनेलिटिकल स्कील, हे या कार्डाचे मुख्य वैशिष्ठ. एकाद्या गंभिर परिस्थितीत शांतपणे अडचण सोडवून पुढे जाणे, कुठल्याही परिस्थितीत योग्य मार्ग काढणे, आणि योग्य कृती करण्यास प्रवृत्त करणे , नियम पाळणे, खरे बोलणे या गोष्टी ही सुचीत होतात

रिडिंग मधे हे कार्ड आल्यास तुम्हाला अशाच व्यक्तीमत्वाची व्यक्ती भेटेल की जी तुम्हाला तुमच्या अडचणीच्या प्रंगातून सुखरुप सुटका करेल/ मार्गदर्शन करेल. जातकाच्या प्रश्नानुसार क्वचितप्रसंगी तुम्हाला स्वतः अडचणीतून मार्ग काढण्यासाठी वरील गुणधर्म ( कार्डाची वैशिष्ठे ) अंगीकारावे लागतील आणि मगच अडचणीतून सुटका होईल.

January 12, 2010

काही नवे ग्रहयोग


आपले लाडके पु।ल.देशपांडे यांचे 'ग्रहयोग ' हे कथाकथन ऐकले.

प्रत्तेकाच्या आयुष्यात नियमीत घडणार्‍या प्रसंगांची एका विशिष्ठ ग्रहयोगात वर्गीकरण करुन उत्तमप्रकारे विनोदनिर्मिती केली आहे।

साध्या घटनांमधूनही विनोदनिर्मिती हे पु.लंच्या लेखनाचे वैशिष्ठ यात जागोजागी दिसून येते. थोडा विरंगुळा म्हणून हे ऐका

Get this widget Track details eSnips Social DNA


अमोल केळकर

January 11, 2010

मोबाईल कुंडली




आता मोबाईलवर ही कुंडली मिळण्याची सोय झाली आहे.
आजच्या दैनिक पुढारी पेपरातील ही बातमी तुमच्यासाठी।



अमोल केळकर

गणेश पुराण


उपासना खंड अध्याय
1 2 3 4 5 6
क्रिडाखंड अध्या 1

पत्रिका हवी असल्यास इथे माहिती द्या