आमच्या स्नेही वसुधा गोखले यांनी नवग्रह स्तोत्राचा मराठी अनुवाद पाठवला आहे. तो सर्वांसाठी इथे देत आहे.
त्यांचे मनःपुर्वक आभार
सूर्य :
जास्‍वंदी फुलाप्रमाणे तांबडी वर्णकान्‍ती असलेल्‍या , कश्‍यकुलोत्‍पन्‍न ,
प्रखर तेजस्‍वी, अंधकाराचा शत्रू, सर्व पाप नाहीशी करणा-या दिवस नाथ सूर्याला मी
वन्‍दन करतो.
चंद्र :
दही व शंख यांच्‍या तुषाराप्रमाणे शोभणा-या, क्षीरसागरातून निर्माण झालेल्‍या
भगवान शंकराच्‍या मस्‍तकावर
अलंकाराप्रमाणे शोभणा-या सशाचे चिन्‍ह धारण करणा-या चंद्राला मी नमस्‍कार करतो .
मंगळ :
पृथ्‍वीच्‍या उदरातून जन्‍म पावलेल्‍या, विजेप्रमाणे अंगकांती असलेल्‍या,
हातात शक्‍ति धारण करणा-या, कुमार अवस्‍थेत असणा-या त्‍या मंगळाला मी प्रणाम करतो
.
बुध :
अशोकपुष्‍पाप्रमाणे रक्‍त – श्‍यामलवर्ण असलेला अत्‍यंत रूपवान, बुद्धिमान
, सोज्‍वळ, सरळ सुस्‍वभावी बुधाला माझा
नमस्‍कार असो.
गुरू : देव व ऋषींचा गुरू, सुवर्णाप्रमाणे
कांती असलेल्‍या, बुद्धिमान, त्रैलोक्‍यश्रेष्‍ठ शा त्‍या बृहस्‍पतीला वन्‍दन असो.
शुक्र :
हिमकमळाच्‍या देठाप्रमाणे प्रभा असलेल्‍या, दैत्‍यांचा श्रेष्‍ठ गुरू,
सर्वशास्‍त्रज्ञ भृगुकुलोत्‍पन्‍न शुक्राला मी नमस्‍कार करतो.
शनि :
नीलवर्णप्रभा असलेल्‍या , रिवपुत्र, यमाचा मोठा बंधु, सूर्याच्‍या
छायेपासून निर्माण झालेल्‍या , त्‍या शनैश्‍वराला माझे वन्‍दन असो .
राहु :
अर्धे शरीर असलेल, वीर्यवान, चंद्रसूर्याला त्रास देणा-या , सिंहिकेपासून
जन्‍म पावलेल्‍या त्‍या राहूला मी वन्‍दन
करतो .
केतु :
पळसफुलाप्रमाणे लाल, तारका व ग्रहांमध्‍ये श्रेष्‍ठ , भीतिदायक
रूद्राप्रमाणे तापदायक अशा केतूला मी नमस्‍कार करतो .
याप्रमाणे व्‍यासमहर्षींच्‍या मुखातून
आलेल्‍या नवग्रहस्‍तोत्राचे रोज दिवसा किंवा रात्री जो एकाग्रतेने पठन करील त्‍याच्‍या
विघ्‍नांची शांती होईल.
नर, नारी आणि राजा यांचे दु:ख नाश पावेल
आणि त्यांचे सर्वश्रेष्‍ठ ऐश्‍वर्य, आरोग्‍य यांची वृद्धी होईल .
ग्रह, नक्षत्र , चोर आणि अग्‍नी यांपासून
होणारी पीडा संपूर्ण शांत होईल यात संशय नाही असे महर्षी व्‍यास म्‍हणतात .
No comments:
Post a Comment