श्री साईनाथांची अकरा वचने

शिरडीस ज्याचे लागतील पाय | टळतील अपाय सर्व त्याचे ||१||
माझ्या समाधीची पायरी चढेल | दु:ख हे हरेल सर्व त्याचे ||२||
जरी हे शरीर गेलो मी टाकून | तरी मी धावेन भक्तांसाठी ||३||
नवसास माझी पावेल समाधी | धरा दृढ बुद्धी माझ्या ठायी ||४||
नित्य मी जीवंत जाणा हेचि सत्य | नित्य घ्या प्रचित अनुभवे ||५||
शरण मज आला आणि वाया गेला| दाखवा दाखवा ऐसा कोणी ||६||
जो जो मज भजे जैसा जैसा भावे | तैसा तैसा पावे मी ही त्यासी ||७||
तुमचा मी भार वाहीन सर्वथा | नव्हे हे अन्यथा वचन माझे ||८||
जाणा येथ आहे सहाय्य सर्वांस | मागे जे जे त्यास ते ते लाभे ||९||
माझा जो जाहला काया वाचा मनी | तयाचा मी ऋणी सर्वकाळ ||१०||
साई म्हणे तोचि तोचि झाला धन्य | झाला जो अनन्य माझ्या ठायी ||११|| ​
श्री साद्चिदानंद सद्गुरु साईनाथ महाराज की जय